Ang mga dayuhan na nanirahan sa Japan ng higit sa isang taon at kumikita ng nararapat na antas ng sweldo ay napapailalim sa pagbabayad ng parehong buwis tulad ng mga mamamayang Hapon. Sa Japan, mayroong mga pambansang buwis (buwis sa mga kita, atbp.), na binabayaran sa pambansang pamahalaan, at mga lokal na buwis (buwis sa tirahan, buwis sa sasakyan, atbp.) na binabayaran sa mga gobyerno ng prefectural at munisipal.
Buwis sa Kita (Income Tax)
Ito ay buwis sa personal na kita. Kung ikaw ay may sariling negosyo o nagpapatakbo ng iyong sariling kumpanya, dapat kang mag-file ng pagbabalik ng buwis sa kita (income tax returns) at magbayad ng buwis sa opisina. Kung ikaw ay nagtatrabaho sa isang kumpanya, gayunpaman, karaniwang ibabawas ng kumpanya ang buwis mula sa iyong suweldo.
Pangwakas na Pagbabalik ng Buwis (Filing of Income Tax Returns)
Upang mai-file ang iyong income tax returns, dapat mong kalkulahin ang kabuuang halaga ng kita na iyong nakuha at ang halaga ng buwis na binayaran mo mula Enero 1 hanggang Disyembre 31 ng taong iyon at magsumite ng isang form ng pagdeklara ng buwis sa iyong lokal na tanggapan ng buwis sa pagitan ng Pebrero 16 at Marso 15 ng sa susunod na taon. Maaari itong gawin online o personal.
Para sa mga detalye, makipag-ugnayan sa tanggapan ng lokal na buwis sa iyong lugar.
Ang mga dayuhang residente na naninirahan sa Japan hanggang Enero 1 ng taong iyon ay dapat magbayad ng prefectural at municipal residential tax. Ang halaga ay depende sa iyong kita sa nakaraang taon. Kung ikaw ay nagtatrabaho ng isang kumpanya, ang mga buwis ay maaaring ibawas mula sa iyong suweldo. Kung ikaw ay may sariling negosyo, makakatanggap ka ng isang abiso sa Hunyo at dapat magbayad sa pamamagitan ng isang institusyong pampinansyal tulad ng bangko o postal account o sa convenience store.
Buwis sa Sasakyan
Ang mga taong nagmamay-ari ng sasakyan o motor hanggang Abril 1 ng bawat taon ay kinakailangang magbayad ng buwis sa sasakyan. Kapag natanggap mo ang notice sa buwis, maaari kang magbayad sa bangko, convenience store, atbp. Kung ibebenta o itatapon ang sasakyan, tiyaking makumpleto ang wastong mga pamamaraan para sa pagbabago ng pagmamay-ari o pagtatapon. Kung hindi ito gagawin, patuloy kang mabubuwisan.
Buwis sa Pagkonsumo (Consumption Tax)
Ang mga mamimili ay binubuwisan para sa mga pagbili ng kalakal at serbisyo. Mula Oktubre 2019, ang buwis sa pagkonsumo sa mga pahayagan, pagkain at inumin, hindi kasama ang alkohol at kainan sa labas, ay 8% habang ang buwis sa pagkonsumo sa lahat ng iba pang mga kalakal at serbisyo ay 10%.
💻Impormasyon sa Pambansang Buwis / Pambansang Ahensya ng Buwis
Ang impormasyon para sa mga nagbabayad ng buwis ay nakalahad sa English.
💻Gabay sa Buwis Para sa Dayuhang Residente / Kagawa Prefectural Government
Ipinapaliwanag ng booklet na ito sa mga banyagang wika tulad ng Ingles ang mga pangunahing buwis na binabayaran sa mga bansa, prefecture, at lungsod, at kung paano magbayad nito.
