Tagalog:<br>Guidebook para sa pamumuhay

Kapansin-pansin ang pagdami ng dayuhan sa Kagawa Prefecture kasabay ng mabilis na internasyonalisasyon at pagkawala ng hadlang sa bawat bansa patungkol sa mga gawaing pang-ekonomiya. Hinggil dito, ang pagbubuo ng isang mapayapa at ligtas na lipunang kinabibilangan ng magkahalong dayuhan at Hapon ay naging isang malaking hamon ng kasalukuyan.
Noong 1992, ang Kagawa Prefecture International Exchange Association ay naglathala ng guidebook - "Welcome to Kagawa" - na nasasalin sa iba't-ibang wika at naglalayong magbigay ng mga impormasyon sa mga naninirahang dayuhan dito. Subalit, dahil sa pag-unlad ng teknolohiya tulad halimbawa ng malawakang paggamit ng cellphone at internet, malaking pagbabago ang naging dulot nito sa pamumuhay nitong mga nakaraang huling taon.
Dahil dito, binago namin ang lumang guidebook upang higit na makapagbigay sa inyo ng mas praktikal na impormasyon na angkop sa kasalukuyang kalakaran.
Sa bagong edisyon, pinagtuunan namin ng pansin ang mga impormasyon na sa tingin namin ay higit na makakatulong lalo na sa mga bagong dating o sa mga dayuhang hindi pa sanay sa pamumuhay rito sa Kagawa. Inaasahan namin na makakatulong din ito sa mga Hapon na nais makisalamuha sa kanila. Sinikap din naming ihayag ang mga impormasyon sa istilong madaling maintindihan.
Labis naming ikinalulugod kung ang guidebook na ito ay makapagdudulot kahit konti sa pagtataguyod ng multi-kultural na lipunang kinabibilangan ng mga Hapon at ng mga dayuhan.

Kagawa Prefecture International Exchange Association